ស្មាតហ្វូនថ្មី Redmi Go ប្រើដល់ Android 8.1 តែតម្លៃមិនដល់ ១០០ ដុល្លារទេ

Entertainment Blog February 03, 2019

ក្រុមហ៊ុន Xiaomi បានប្រកាសចេញស្មាតហ្វូនម៉ូឌែលថ្មី Redmi Go ប្រើប្រាស់ប្រព័ន្ធ Android Go ស្ថិតក្នុងតម្លៃទាបក្រោម ១០០ ដុល្លារ។ ប្រភេទស្មាតហ្វូនសន្សំថវិកាម៉ូឌែលនេះ ក៏នឹងដំឡើងជាស្រេចនូវកម្មវិធីមួយចំនួនរបស់ Google ដូចជា Gmail Go និង YouTube ពីក្នុងម៉ាស៊ីនស្រាប់ ដើម្បីជួយសម្រួលអង្គផ្ទុកម៉ាស៊ីនឲ្យសល់ធំជាងធម្មតា។

បំពាក់អេក្រង់ទំហំ ៥ អ៊ីញកម្រិត 720p មានកាមេរ៉ាក្រោយទោលទំហំ 8MP និងខាងមុខទំហំ 5MP ជាមួយថាមពលថ្ម ៣ ០០០mAh។ របាយការណ៍ពី WinFuture បានឲ្យដឹងថា Redmi Go បំពាក់ឈីប Snapdragon 425 អម CPU Quad-core ល្បឿនដល់ ១,៤GHz ដោយមាន RAM 1GB និងអង្គផ្ទុក 8GB អាចបន្ថែម microSD ពីខាងក្រៅ។

មិនមានគម្រោងច្បាស់លាស់ក្នុងការចេញលក់នៅទឹកដីសហរដ្ឋអាមេរិក ប៉ុន្តែទីផ្សារអឺរ៉ុបត្រូវបានគេដឹងថាក្រុមហ៊ុន Xiaomi អាចនឹងប្រកាសក្នុងពេលឆាប់ៗនេះជាមួយតម្លៃប្រមាណ ៨០ អឺរ៉ូឬក្បែរ ៩១,៥ ដុល្លារ។