កម្មវិធីកក់សំបុត្រ Bookmebusបានដាក់បន្ថែមមុខងារថ្មីជាច្រើនឲ្យប្រើប្រាស់លើកម្មវិធីទូរសព្ទ និងបន្ថែមលើវិបសាយសម្រាប់កក់ដូចគ្នា ជាជំនួយសម្រាប់អ្នកធ្វើដំណើរ ថែមមួយកម្រិតទៀតទៅលើកម្មវិធីទូរសព្ទចាស់បង្កើតប៉ុន្មានឆ្នាំមុន។
មុខងារថ្មីដែលបានដាក់បញ្ចូលរូមមាន៖
- អ្នកប្រើប្រាស់អាចទិញសំបុត្រធ្វើដំណើរទាំង ៣ ប្រភេទ ឡានក្រុង ទូក និងឡានតាក់ស៊ី
- ទទួលបានការរំលឹកពិសេសមុនពេលចេញដំណើរ
- ផ្តល់ជូនសំបុត្រអេឡិចត្រូនិចនៅក្នុងកម្មវិធីផ្ទាល់ដែលក្នុងនោះមានព័ត៌មានទាក់ទងនឹងការចេញដំណើរនិងទៅដល់គ្រប់ទាំងអស់
- មានប៊ូតុងសម្រាប់ទាក់ទងទៅកាន់អ្នកបម្រើសេវាកម្មភ្លាមៗក្នុងករណីចាំបាច់ផ្សេងៗ
- ផ្ដល់ជូនជាខេមរភាសា និង ភាសាអង់គ្លេសពេញលេញ
- មានទំព័រសម្រាប់វាយតម្លៃក្រុមហ៊ុនធ្វើដំណើរបន្ទាប់ពីជិះរួច ហើយអ្នកប្រើប្រាស់ទទួលបានពិន្ទុរាល់ការជិះ។
អ្នកអាច ប្រើកម្មវិធីនេះបង់ប្រាក់ជាមួយភ្នាក់ងារបង់ប្រាក់ដូចជា ABA Pipay និងភ្នាក់ងារមួយចំនួនទៀត ជាងនេះទៀតការទូទាត់ប្រាក់ ប្រកបដោយសុវត្ថិភាព និងឆាប់រហ័សផងដែរ៕
0 Comments