OPPO R17 Pro បំពាក់កាមេរ៉ា ៣ គ្រាប់ នឹងមានលក់នៅអាស៊ីអាគ្នេយ៍ខែវិច្ឆិកានេះ

Anonymous November 19, 2018

ចាប់ពីខែវិច្ឆិកានេះតទៅ Oppo R17 Pro នឹងត្រូវបញ្ចេញលក់នៅតំបន់អាស៊ីអាគ្នេយ៍ ដោយនេះជាលើកដំបូងសម្រាប់ OPPO ដែលធ្វើការដាក់សម្ពោធនូវម៉ូដែលត្រកូល R របស់ខ្លួននៅក្រៅតំបន់។

R17 Pro មានបំពាក់ដោយបន្ទះឈីប Snapdragon 710 ដែលបង្ហាញនូវភាពល្អឥតខ្ចោះទាក់ទិននឹងមុខងារ AI កាមេរ៉ា កម្រិតបង្ហាញ ការភ្ជាប់អ៊ីនធឺណិត និងថ្មទូរស័ព្ទ ដើម្បីជួយឱ្យអ្នកប្រើប្រាស់អាចរីករាយជាមួយនឹងស្មាតហ្វូន Android កម្រិតខ្ពស់មួយនេះ។

បន្ទះឈីប Snapdragon 710 មានចំណុចពិសេសដូចជា ៖

ធ្វើការបានយ៉ាងល្អនៅកន្លែងដែលមានពន្លឺខ្សោយ អាចកាត់បន្ថយគ្រាប់ noise បានយ៉ាងល្អ និងធ្វើការ focus លើរូបភាពបានយ៉ាងឆាប់រហ័ស។
អាចធ្វើការពង្រីកឬបង្រួមរូបបានល្អដោយមិនធ្លាក់ចុះគុណភាព និងអាចឱ្យប្រើប្រាស់មុខងារ Real time Bokeh (ការថតព្រាលផ្ទៃខាងក្រោយ) បានយ៉ាងងាយស្រួលផងដែរ។

អ៊ីនធឺណិតមានល្បឿនលឿន កម្រិត LTE ជាមួយនឹងល្បឿន download រហូតដល់ 800 Mbps និងល្បឿន upload ដល់ 150 Mbps និងការរួមបញ្ចូលនូវ X15 LTE modem នៅក្នុង Snapdragon 710។
ជួយកាត់បន្ថយការប្រើប្រាស់ថាមពល សម្រាប់ទាំងការលេងហ្គេម និងការបើកវីដេអូ 4K HDR រហូតដល់ទៅ ៤០% ក៏ដូចជាជួយកាត់បន្ថយនូវការប្រើប្រាស់ថាមពលរហូតដល់ ២០% នៅពេលចាក់វីដេអូ បើប្រៀបធៀបជាមួយ Snapdragon 660។

ធៀបនឹង Snapdragon 660 ឃើញថា Snapdragon 710 មាន CPU ល្បឿនលឿនជាង រហូតដល់ ២០%, GPU រហូតដល់ ៣៥% , ល្បឿន App រហូតដល់ ១៥% ហើយមុខងារ AI ជួយកាត់បន្ថយនូវការប្រើប្រាស់ថាមពលសរុបរហូតដល់ទៅ ៣០%។

យោងតាមក្រុមហ៊ុនស្រាវជ្រាវទីផ្សារ International Data Corporation (IDC), OPPO បច្ចុប្បន្នជាប់ចំណាត់ថ្នាក់លេខ ២ នៅអាស៊ីអាគ្នេយ៍ ក្នុងការនាំចេញស្មាតហ្វូនប្រចាំឆ្នាំ។ រួមជាមួយ Snapdragon 710 ដ៏មានអនុភាពនេះ R17 Pro ត្រូវបានរំពឹងថានឹងបន្ថែមភាពជោគជ័យទៅលើប្រជាប្រិយភាពរបស់ OPPO នៅទូទាំងតំបន់អាស៊ីអាគ្នេយ៍៕

credit: sabay