ក្រុមហ៊ុន Nubia បានបន្តអភិវឌ្ឍយ៉ាងយកចិត្តទុកដាក់លើវិស័យស្មាតហ្វូន Gaming តាមរយៈម៉ូឌែល Red Magic ជាមួយការរចនាចំណុចថ្មីមួយចំនួននិងកម្លាំងម៉ាស៊ីនខ្លាំងជាងមុន។
មានបំពាក់នូវបន្ទះឈីប Snapdragon 845 ដោយមានអង្គផ្ទុកដល់ 256GB និង RAM ទំហំ 10GB បន្ថែមប្រព័ន្ធបញ្ចុះកម្ដៅ Cooling System និងបំពង់កម្ដៅ ICE Dual Heat។ បំពេអារម្មណ៍អ្នកលេងកាន់តែវិសេសវិសាលដោយមានប៊ូតុងរំញ័រ Touch-sensitive shoulder ចំនួន ២ នៅចំហៀងនិងប្រព័ន្ធសំឡេងងំល្អ Dolby DTS 7.1។
រចនាប្រើប្រាស់អេក្រង់ ៦ អ៊ីញ កម្រិត FullHD+ ដោយមានកាមេរ៉ាក្រោយទំហំ 16MP មាន Aperture f/1.8 និងខាងមុខ 8MP មានថាមពលថ្មធំ ៣ ៨០០mAh អាចសាកថ្មតាមរយៈរន្ធ USB-C ជាមួយរន្ធកាសទំហំ ៣,៥ ម.ម ធម្មតា។ ផ្នែកខាងក្រោយក៏មានភ្លើងប្រដេញ RGB ដោយមានជម្រើសពណ៌អាចរើសបានខុសពីគ្នា។
ចំពោះតម្លៃ Red Magic Mars ជំនាន់បច្ចុប្បន្នមានលក់ត្រឹមទីផ្សារប្រទេសចិន ចាប់ពីថ្ងៃទី ៧ ធ្នូតទៅ ជាមួយជម្រើស 6GB/64GB ថ្លៃ ៣៩០ ដុល្លារ ខណៈ 8GB/128GB ថ្លៃ ៤៦០ ដុល្លារ និង 10GB/256GB ថ្លៃ ៥៧៥ ដុល្លារ ៕
credit: sabay
0 Comments