Galaxy Note 9 ជម្រើសពណ៌សសុទ្ធ នឹងចេញលក់នៅថ្ងៃទី 23 ខែវិច្ឆិកា ឆាប់ៗខាងមុខនេះហើយ

Anonymous November 20, 2018

Galaxy Note 9 ជាស្មាតហ្វូនជំនាន់ចុងក្រោយ នៃវង្សត្រកូល Note របស់ក្រុមហ៊ុន Samsung ដែលវាត្រូវបានប្រកាសចេញ ជាផ្លូវការ កាលពីថ្ងៃទី 09 ខែសីហា ឆ្នាំ 2018 កន្លងទៅ ជាមួយជម្រើសចំនួន 4 ពណ៌ រួមមានពណ៌ Metallic Copper, ពណ៌ Lavender Purple, ពណ៌ Ocean Blue និងពណ៌ Midnight Black។ លុះមកដល់ចុងខែកញ្ញា ឆ្នាំ 2018 ខាងក្រុមហ៊ុន ក៏បានធ្វើការបញ្ចេញ ជម្រើសមួយពណ៌បន្ថែមទៀត ដើម្បីតម្រូវចិត្តអ្នកគាំទ្រ នោះគឺពណ៌ Cloud Silver។

នៅមិនទាន់អស់នោះទេ សម្រាប់ហ្វេនៗ ព្រោះថានៅពេលនេះ Samsung កំពុងត្រៀមបញ្ចេញជម្រើសពណ៌ថ្មី គឺពណ៌សសុទ្ធ ដែលវាបង្កើតមកជាពិសេស សម្រាប់ប្រិយមិត្ត អ្នកដែលស្រលាញ់ និងចូលចិត្តពណ៌ស សូម្បីតែ S-Pen របស់វា ក៏ជាពណ៌ស ដូចទូរសព្ទដែរ មើលទៅគួរអោយចាប់អារម្មណ៍តែម្តង។ អញ្ចឹង ចំពោះជម្រើសពណ៌សនេះ លែងស្ថិតនៅក្នុងប្រភពលេចធ្លាយទៀតហើយ ដោយវានឹងត្រូវដាក់លក់ជាផ្លូវការ នៅក្នុងទឹកដីតៃវ៉ាន់ នៅថ្ងៃទី 23 ខែវិច្ឆិកា ឆាប់ៗខាងមុខនេះ រួចទើបបន្តទៅកាន់បណា្តប្រទេសផ្សេងៗ ជាច្រើនទៀត។ ចំពោះលក្ខណៈសម្បត្តិវិញ គឺមិនមានអ្វីផ្លាស់ប្តូរឡើយ ដោយវានៅតែរក្សាដូចមុនដដែល។

ដូច្នេះ សម្រាប់ប្រិយមិត្តទាំងអស់គ្នា ដែលជាអ្នកគាំទ្រត្រកូល Note របស់ Samsung និងជាអ្នកដែលស្រលាញ់ចូលចិត្តពណ៌សនោះ អាចនឹងលង់លើជម្រើសពណ៌ថ្មីរបស់ Note 9 នេះ ជាក់ជាមិនខាន។ តើអ្នកយល់យ៉ាងណាដែរ សម្រាប់ជម្រើសពណ៌ទី 6 របស់ Galaxy Note 9 ដែលត្រៀមចេញលក់ ជាផ្លូវការ ឆាប់ៗនេះ?

ទស្សនាវីឌីអូបង្ហាញលក្ខណៈសម្បត្តិ Galaxy Note 9 ដោយខេមបូរីផត ៖