នាឡិកា​ឆ្លាតវៃ ក្មេងៗ​និយម​ពាក់មួយ មិន​មាន​សុវត្ថិភាព​ អ្នកជំនាញ​ហាមកុំប្រើ​ឲ្យសោះ

ចំពោះ​អាណាព្យាបាល​ដែល​បាន​ទិញ​នាឡិកា​ឆ្លាតវៃ MiSafes ដើម្បី​តាមដាន​ក្មេងៗ មាន​ការ​ណែនាំ​ឲ្យ​ឈប់​ប្រើ ដោយ​សារ​បញ្ហា​សុវត្ថិភាព​។ ដោយ​ក្តី​ព្រួយ​បារម្ភ អាណាព្យាបាល បាន​ប្រើ​ឧបករណ៍​នេះ ក្នុង​ការ​តាមដាន​ទីតាំង​ក្មេងៗ​ប្រើ GPS និង បណ្ដាញ​ទូរសព្ទ​។ 

របាយការណ៍​ពី BBC បង្ហាញ​ថា ក្រុម​ស្រាវជ្រាវ​សុវត្ថិភាព​ជាច្រើន​បាន​រក​ឃើញ​ថា នាឡិកា​មិន​បាន​បម្លែង​ទិន្នន័យ​ទៅ​ជា​ទម្រង់​មើល​មិន​យល់​ ពេល​ផ្ញើ​ចេញ​តាម​អ៊ីនធឺណិត ហើយ​ក៏​ពុំ​មាន​សុវត្ថិភាព​ចំពោះ​គណនី​ក្មេងៗ​ដែរ​។ 

ក្រុមហ៊ុន Pen Test Partners បាន​បញ្ជាក់​ថា មាន​ប្រ៊េន​ចំនួន ៥៣ ផ្សេងទៀត ក៏​មាន​បញ្ហា​ស្រដៀង​គ្នា​ដែរ ហើយ​មាន​ឧបករណ៍​សរុប​ប្រហែល​មួយ​លាន​គ្រឿង​អាច​មាន​ហានិភ័យ​ខ្ពស់ គ្មាន​សុវត្ថិភាព​ ខណៈ​ឧបករណ៍ MiSafes ប្រហែល​១៤ ០០០គ្រឿង​កំពុង​មាន​ការ​ប្រើប្រាស់៕ 

credit: sabay